അടുപ്പില്‍ അരി തിളയ്ക്കുമ്പോള്‍
താന്‍ പാതിയെന്നോതിയവനോട്
വിറകൊന്നുന്തിവക്കാന്‍ പറഞ്ഞതിന്
തല്ലുകൊണ്ടാവള്‍
ആദ്യനാളിലെ വേഴ്ച്ചയില്‍
തന്‍റെ രതിയെ പ്രകടമാക്കിയതിനു
മുന്‍ അനുഭവമാരോപിച്ചു
തല്ലുകൊണ്ടാവള്‍
ആര്‍ത്തവ നാളുകളില്‍
കാമത്തിനു അല്പനാള്‍
തടസ്സം നിന്നതിനും
തല്ലുകൊണ്ടവള്‍
ആശിച്ചു നൊന്തു പെറ്റതിനെ
തനിക്കു പ്രിയപ്പെട്ട
പെരിടട്ടെയെന്നു പറഞ്ഞതിനും
തല്ലുകൊണ്ടവള്‍
അടുപ്പിനു പുറത്ത് തനിക്കും
പണി ചെയ്യണമെന്നു പറഞ്ഞപ്പോള്‍
വീട്ടില്‍ കുഞ്ഞിനെ നോക്കിയിരിക്കേണ്ടവള്‍
എന്ന് മുദ്രകുത്തി
തല്ലുകൊണ്ടവള്‍
അവന്‍റെ മുന്‍ പ്രണയത്തിന്‍റെ
തമാശകള്‍ കേട്ട് തന്‍റെ മുന്‍
പ്രണയകഥ പറഞ്ഞതിനും
തല്ലുകൊണ്ടവള്‍
പാതി സംവരണം ചോദിച്ചതിനു
അടിക്കലയിലാണ് സംവരണമെന്നു ചൊല്ലി
തല്ലുകൊണ്ടവള്‍
...................................
*ആമി രൂപ്‌ ഷൈന * © Ami Roop Shyna
No comments:
Post a Comment